Auld Lang Syne by Robert Burns

Auld Lang Syne

Should auld acquaintance be forgot,
And never brought to mind?
Should auld acquaintance be forgot,
And auld lang syne?

For auld lang syne, my dear,
For auld lang syne,
We'll tak a cup o' kindness yet,
For auld lang syne.

And surely ye'll be your pint-stowp,
And surely I'll be mine!
And we'll tak a cup o' kindness yet,
For auld lang syne.

For auld lang syne, my dear,
For auld lang syne,
We'll tak a cup o' kindness yet,
For auld lang syne.

We twa hae run about the braes,
And pu'd the gowans fine;
But we've wandered mony a weary fit
Sin' auld lang syne.

For auld lang syne, my dear,
For auld lang syne,
We'll tak a cup o' kindness yet,
For auld lang syne.

We twa hae paidled i' the burn,
Frae morning sun till dine;
But seas between us braid hae roared
Sin' auld lang syne.

For auld lang syne, my dear,
For auld lang syne,
We'll tak a cup o' kindness yet,
For auld lang syne.

And there's a hand, my trusty fiere,
And gie's a hand o' thine!
And we'll tak a right guid-willie waught

For auld lang syne.

For auld lang syne, my dear,
For auld lang syne,
We'll tak a cup o' kindness yet,
For auld lang syne.

-Robert Burns -

Related Poems

So We'll Go No More A-Roving

So we'll go no more a-roving So late into the night, Though the heart be still as loving, And the moon be still as bright

A HUNTING MORNING

Put the saddle on the mare, For the wet winds blow; There's winter in the air,

Channel Firing

That night your great guns, unawares, Shook all our coffins as we lay, And broke the chancel window-squares,

The Swan

This clumsy living that moves lumbering as if in ropes through what is not done reminds us of the awkward way the swan walks and to die, and to die,

Gus - The Theatre Cat

Gus is the Cat at the Theatre Door. His name, as I ought to have told you before

Auld Lang Syne

Related Poems

Leave Your Comment